Қаріп өлшемі:
Түстер:
Интервал:
Суреттер:
Артқа қайту

1. Шетелдіктер жарна төлеу керек пе?

Жауап

Қазақстанда тұрақты тұратын және тұруға ықтиярхат алған шетелдіктер ҚР азаматтарымен бірдей МӘМС жарналарын төлеу міндеттемелерін атқарады және МӘМС бойынша медициналық қызметтерді алуға құқылы.

Шетелдіктер мен азаматтығы жоқ тұлғалар МӘМС жарналарын төлеушілер болып табылмайды.

2. ЕАЭО елінен келген еңбек мигранты сақтандырылған мәртебесін қалай ала алады?

Жауап

Жұмыс беруші еңбек қызметін жүзеге асырған айдан бастап, яғни МӘМС-ке жарналар мен аударымдарды ұдайы төлегенде ЕАЭО елдерінен (Армения, Беларусь, Қырғызстан, Ресей) келген еңбек мигранттары МӘМС аясында сақтандырылған мәртебесіне ие болады.

МӘМС жүйесінде мәртебе 12 ай қатарынан төлемдердің болуы арқылы берілетіндіктен, еңбек қызметін бастауға дейінгі берешек кезеңін ескеру қажет. Ол үшін Әлеуметтік медициналық сақтандыру қорына өтініш жазып, оған еңбек шартының көшірмесін, "жұмыс” мақсатындағы уақытша тұруға рұқсатты және жеке басын куәландыратын құжаттарды қоса тіркеу қажет.

3. Тұрақты тұруға рұқсат алған шетелдік сақтандырылған мәртебесін қалай ала алады?

Жауап

Қазақстан Республикасында тұрақты тұратын шетел азаматтары Қазақстан Республикасының азаматтарымен тең дәрежеде жарналар төлейді. Сақтандырылған мәртебесін алу үшін қатарынан 12 төлем болуы қажет. Осыған байланысты тұрақты тұруға рұқсат алғанға дейінгі кезеңдегі берешекті МӘМС жүйесінде ескеру қажет.

Ол үшін Әлеуметтік медициналық сақтандыру қорына растайтын құжаттарды (тұрақты тұруға рұқсат) қоса бере отырып, еркін нысанда өтініш жазу қажет.

Негіздер: «Міндетті әлеуметтік медициналық сақтандыру туралы» Заңның 2-бабының 2-тармағы, «Халықтың көші-қоны туралы» Заңның 7-бабы, Қазақстан Республикасында шетелдіктер мен азаматтығы жоқ адамдарға уақытша және тұрақты тұруға рұқсат беру қағидаларының 11-тармағы, Қазақстан Республикасы Ішкі істер министрінің 2015 жылғы 4 желтоқсандағы № 992 бұйрығы.


4. Қазақстанда тұрақты немесе уақытша тұратын, “зейнеткер” немесе “мүгедектігі бар тұлға” мәртебесі бар шетелдік жеңілдік категориясына кіре ме?

Жауап

Қазақстаннан тыс жерде зейнетақы немесе мүгедектік бойынша жәрдемақы алатын тұлғалар жеңілдік категориясына енгізілмейді.
Сақтандырылған мәртебесі тек МӘМС-ке ең төменгі жалақының 5 %-ы мөлшерінде жарна төленгеннен кейін ғана беріледі (биыл бұл сома 4 250 теңгені құрайды).