Медициналық қызметтерді сатып алудың веб-порталы - бұл медициналық ұйымдар ТМККК және МӘМС жүйесі шеңберінде медициналық көмекті сатып алуға қатысатын онлайн-платформа.

Денсаулық сақтау субъектілерінен көрсетілетін қызметтерді сатып алу сатып алу қағидаларына сәйкес жүргізіледі. Жеткізушілерді таңдауды және медициналық көмек көлемін бөлуді өңірлік комиссиялар жүзеге асырады.

Қызметтерді сатып алу конкурсына деректер базасын есепке алу қағидаларына сәйкес денсаулық сақтау субъектілерінің дерекқорына енгізілген медициналық ұйымдар қатысады.

Портал электрондық форматта өтінімдер беруге, сатып алу кезеңдерін қадағалауға, нәтижелерді алуға және ЭЦҚ пайдалана отырып шарттар жасасуға мүмкіндік береді. Цифрландырудың арқасында процесс медициналық ұйымдар үшін де, Қор үшін де тезірек, ашық және ыңғайлы болды.

Өтінім беру үшін өнім беруші сатып алу веб-порталында тіркеліп, "Хабарландыруларды қарау" бөлімінде медициналық қызмет көрсету аймағын таңдап, жүйенің нұсқауларын орындай отырып, "Қолжетімді әрекеттер" бөлімінде өтінім жасауы қажет.

Порталда автоматтандырылған:

• өтінімдерді беру және қарау;
• медициналық көмек көлемін бөлу;
• сатып алу қорытындыларын жариялау;
• электрондық шарттар жасасу.

Жүйе объективті критерийлер негізінде медициналық көмек көлемін әділ бөлуді қамтамасыз етуге және адам факторының әсерін азайтуға көмектеседі.

Бүгінгі таңда медициналық қызметтерді сатып алу процестерінің көп бөлігі толығымен электрондық форматта жүргізіледі, бұл медициналық ұйымдарға қашықтықтан, қағаз құжат айналымынсыз және қосымша сапарларсыз сатып алуға қатысуға мүмкіндік береді.