Балалар

Басты бет - МӘМС - Гид - Балалар мен студенттер -

Балалар

Артқа қайту

Жалдамалы жұмысшылар
Ресми жұмыстағы қызметкер
Ресми емес жұмыстағы қызметкер

Жұмыссыз адамдар
Ресми тіркелген
Ресми тіркелмеген

Жүкті әйелдер
Жұмыс істейтін жүкті әйелдің мәртебесі
Жұмыс істемейтін жүкті әйелдің мәртебесі
Жүкті әйелдерге медициналық қызметтер

Балалар мен студенттер
Балалар
Студенттер

Зейнеткерлер
Мәртебе сұрақтары

Жеке кәсіпкерлер
Мәртебе сұрақтары

Шет ел азаматтары
Мәртебе алу сұрақтары
Медициналық қызметтерді алу сұрақтары

Азаматтардың Топ сұрақтары
Науқастың бағыттары
Медициналық қызметтерге жолдамалар
Стационарға жатқызу
Оңалту
Сақтандыру мәртебесі
Төлем калькуляторы

1. Балалар үшін жарна төлеу керек пе?

Жауап

18 жасқа дейінгі балалар жеңілдік санатына кіреді. Оларға МӘМС жарналарын мемлекет төлейді. Балаға туу туралы куәлік берілген сәттен бастап, сақтандырылған мәртебесі беріледі. Балаларға қатысты деректер ҚР Еңбек және халықты әлеуметтік қорғау министрлігінің ақпараттық жүйесінде қалыптастырылады. Бұл деректер Қазақстан Республикасының Оқу-ағарту министрлігінің ақпараттық жүйесінен алынады. Аталған ақпараттық жүйеге балалар туралы мәліметтер ҚР Әділет министрлігінің «Жеке тұлғалар» мемлекеттік деректер қорынан беріледі. Деректер күн сайын автоматтандырылған тәртіппен жаңартылып отырады.

2. Жаңа туған сәбидің сақтандырылған мәртебесі болмайтын кездер бола ма?

Жауап

Иә, мұндай жағдай болуы мүмкін. Егер ата-аналар деректер базасында (Ұлттық білім беру деректер қоры) тіркелмесе немесе құжаттарды уақытылы тапсырмаған жағдайда, баланың сақтандырылған мәртебесі уақытша болмауы мүмкін. Алайда, бұл мәселені оңай шешуге болады – баланы АХАТ органдарында тіркеп, деректерді ХҚКО-на тапсыру қажет. Осыдан кейін сақтандырылған мәртебесі автоматты түрде пайда болады.

3. Балам 18 жасқа толған, бірақ әлі мектепте оқиды. Ол үшін жарна төлеу керек пе?

Жауап

Мектепте оқып жүрген кезде бала орта білім беру ұйымының білім алушысы ретінде жеңілдік санатына кіреді. Сондықтан ол 18 жасқа толғанына қарамастан, басқа жеңілдік санаты бойынша мәртебесін сақтап қалады және мемлекет ол үшін жарналарды мектепті аяқтағанға дейін төлей береді. Ең басты шарт – оның Білім беру министрлігінің ақпараттық жүйесінде мектеп оқушысы ретінде тіркелуі.

4. Баланы емханаға қалай тіркейді?

Жауап

Ата-анасының бірі немесе заңды өкілі өзінің электрондық цифрлық қолтаңбасы (ЭЦҚ) арқылы «Электрондық үкімет» порталында баланы емханаға тіркей алады. 

Оны қалай істейді?
1) egov.kz порталында авторизациядан өту;
2) «Денсаулық сақтау» бөліміндегі «Алғашқы медициналық-санитарлық көмек көрсететін медициналық ұйымға тіркелу» қызметін таңдау;
3) Баланың ЖСН-ін енгізіп, онлайн өтінімде қажетті деректерді көрсету (аймақ, медициналық ұйым, тіркелу себебі, учаскелік дәрігер).

Қызмет көрсету мерзімі – 1 жұмыс күні.

Мемлекеттік қызмет бетіне өту сілтемесі: «Алғашқы медициналық-санитарлық көмек көрсететін медициналық ұйымға тіркелу»

5. Балаларға қандай медициналық қызметтер қолжетімді?

Жауап

Пациенттердің  МӘМС және ТМККК шеңберінде медициналық қызметтерді алуға тең құқығы бар (сақтандырылған мәртебесі болған жағдайда). Балалар туғаннан бастап белгілі бір жасқа жеткенде әртүрлі профилактикалық тексерулерден өтеді. Бұл тексерулер мектепке дейінгі ұйымдар мен мектептерде де жүргізіледі.

Сонымен қатар, балалар шұғыл және жоспарлы түрде стоматологиялық қызметтерді ала алады. МӘМС жүйесі енгізілгеннен кейін азаматтар үшін медициналық оңалту қолжетімді. Ал ерекше қажеттіліктері бар балалар ауру түріне байланысты емдеу курстарынан кезең-кезеңімен өте алады.

Бұдан бөлек, Қазақстанда көрсетілмейтін жоғары технологиялық медициналық көмек түрлерін алу қажет болса, 18 жасқа дейінгі балаларды мемлекет есебінен шетелде емдеуге жіберу мүмкіндігі бар.

Толығырақ ақпаратты «Шетелде емделу» бөлімінен оқи аласыз.

6. Балабақшаға немесе мектепке баратын кезде қажет медициналық справканы сатып алу керек пе?

Жауап

Жоқ, сатып алудың қажеті жоқ. Баланы балабақшаға немесе мектепке қабылдау үшін қажетті медициналық анықтаманы тіркелген емханаңыздан алуға болады. Анықтамаға баланың физиологиялық көрсеткіштері, аллергиялық реакциялары, созылмалы және бұрын ауырған инфекциялық аурулары, алған екпелері, профилактикалық тексерулер мен зертханалық талдаулардың нәтижелері және басқа да мәліметтер енгізіледі.

Бала балабақшаға қабылданғаннан кейін мекеменің медицина қызметкері медициналық картаны толтыруды жалғастырады.

Қор туралы

Қордың қызметі Корпоративтік басқару Корпоративтік құжаттар Есептер Қоғамдық-консультативтік кеңес Мемлекеттік сатып алулар Бос жұмыс орындары Ұйымдық құрылым

Пациенттерге

ТМККК және МӘМС деген не? Қандай қызметтер кіреді МӘМС үшін кімге және қанша төлеу керек Мәртебені қалай алуға болады Мәртебені қалай тексеруге болады Дәрі-дәрмекпен қамтамасыз ету Егу күнтізбесі Кәсіби тексеру күнтізбесі Емхананы қалай табуға болады Пациенттің құқықтары МӘМС-ке қате аударылған төлемдерді қайтару

Жеткізушілерге

Қалай жеткізуші болуға болады Денсаулық сақтау субъектілерінің мәліметтер базасы Медициналық көмек көлеміне өтінім беру Медициналық көмекті сатып алу веб-порталы Сатып алу ережелері Қосылу шарты Төлем ережелері Жоспарлау ережелері Мониторинг ережелері МАЖ-ды пайдалану

Баспасөз орталығы

Жаңалықтар Пациенттердің тарихы Бейнематериалдар Біз БАҚ-та

МАЖ-ды пайдалану

ФСМС@2026. Все права защищены.

Дербес деректерді өңдеуге қатысты саясат Әзірлеуші: «Әлеуметтік медициналық сақтандыру қоры» КЕАҚ