Қаріп өлшемі:
Түстер:
Интервал:
Суреттер:
27.10.2026
«Жұмыс істемейтін жүкті әйел» жеңілдік мәртебесін қалай алуға болады?
Керек дерек: жұмыссыз жүкті әйел жеңілдетілген мәртебені қалай алады?

Бірінші қадам — жүктілікпен уақтылы есепке тұру. Қандай мәліметтер тексеріледі және жеңілдетілген мәртебе қалай беріледі? Бейнероликте баяндаймыз.

Сіз жүктісіз, бірақ жұмыс істемейсіз және кәсіпкерлік қызметпен айналыспайсыз? Жеңілдік мәртебесін алу үшін жүктілік бойынша уақтында есепке тұру маңызды.

Бірінші қадам. Есепке тұру үшін тұрғылықты жеріңіздегі акушер-гинекологқа жүгініңіз.

Екінші қадам. Жүктілік туралы мәліметтер Денсаулық сақтау министрлігінің цифрлық жүйесінен Еңбек және халықты әлеуметтік қорғау министрлігінің жүйесіне беріледі.

Үшінші қадам. Еңбек министрлігі сіздің кәсіпкерлік қызметпен айналысатыныңызды, сізге міндетті зейнетақы жарналары мен әлеуметтік аударымдар жасалғанын тексереді.

«Жұмыс істемейтін жүкті әйелдер» жеңілдік санатына қосылу үшін сіз кәсіпкерлік қызметпен айналыспауыңыз керек. Сондай-ақ салыстырып тексеру жүргізілетін айдың алдындағы айда міндетті зейнетақы жарналары және (немесе) әлеуметтік аударымдар болмауы тиіс.

Төртінші қадам. Жеңілдік санатына қосылғаннан кейін мәліметтер Еңбек министрлігінің цифрлық жүйесінен Қордың цифрлық жүйесіне түседі. МӘМС жүйесіндегі сақтандырылған мәртебесі автоматты түрде беріледі.

МӘМС жүйесіндегі мәртебеңіздің қамын алдын ала ойлаңыз!

Ақпарат көзі

www.msqory.kz