Размер шрифта:
Цвета:
Интервал:
Изображения:
Вернуться к списку
24.08.2026
ТҮРКІСТАНДА ЗАМАНАУИ ТЕХНОЛОГИЯМЕН МИ ІСІГІ АЛЫП ТАСТАЛДЫ
Түркістан облыстық клиникалық ауруханасының нейрохирургтері мидың оң жақ маңдай-төбе бөлігіндегі ісікті алып тастау бойынша күрделі жоғары технологиялық отаны сәтті орындады. Медициналық көмек пациентке міндетті әлеуметтік медициналық сақтандыру жүйесі аясында көрсетілді.
Ота барысында интраоперациялық нейромониторинг қолданылды. Бұл — операция кезінде жүйке жүйесінің қызметін нақты уақыт режимінде бақылауға мүмкіндік беретін заманауи технология.

Аталған әдіс хирургиялық араласудың қауіпсіздігін арттырып, мидың қимыл-қозғалыс, сезімталдық және басқа да маңызды қызметтеріне жауап беретін аймақтарын зақымдау қаупін төмендетеді. Сонымен қатар ісікті барынша толық алып тастауға мүмкіндік береді.

Дәрігерлердің кәсіби біліктілігі, операциялық топтың үйлесімді жұмысы және заманауи медициналық технологияларды қолдану нәтижесінде күрделі ота сәтті аяқталды.

Операцияны нейрохирургтер Сапарғали Бейсенбекұлы, Абылайхан Нұрғалиұлы және Дәулет Сүйіндікұлы жасады. Ота кезінде нейрофизиологиялық бақылауды Ботагөз Болатқызы жүргізді.

МӘМС жүйесі сақтандырылған азаматтарға жоғары технологиялық және құны қымбат медициналық көмекті медициналық көрсетілімдер бойынша алуға мүмкіндік береді. Осындай заманауи емдеу әдістерінің өңірде қолданылуы тұрғындарға күрделі медициналық көмекті тұрғылықты жеріне жақын жерде алуға жағдай жасайды.

Ақпарат көзі: newshub.kz

Источник информации

www.msqory.kz