Артқа
Артқа

ЕГЕР СІЗ МЕДИЦИНАЛЫҚ ҚЫЗМЕТТЕРДІҢ ІШІНЕН ЖАЛҒАН ЖАЗБАНЫ АНЫҚТАСАҢЫЗ, НЕ ІСТЕУ КЕРЕК?

2024 жылдың басынан бері Әлеуметтік медициналық сақтандыру қоры шамамен 195 млн теңге сомасына нақты көрсетілмеген 440 қызметті анықтады. Бұл жағдайлар медициналық ұйымдардан айыппұл санкцияларын қолдана отырып анықталды және төлемнен алынды.
Қорда медициналық ұйымдарды «жалған жазбаларға» тексеру қалай жүргізіледі және жалған жазбаларды анықтаған азаматтарға қайда жүгінуге болатынын айтты.
Егер сіз қабылдауына бармасаңыз да, дәрігерге жазылып тұрсаңыз не істеу керек? Егер азаматтар көрсетілмеген медициналық қызметті анықтаса, Әлеуметтік медициналық сақтандыру қорына жүгіну керек. Бұл бейінді маманның қабылдауы, диагностикадық қызметтерді алу немесе ауруханаға жолдама болуы мүмкін. Өтінішті fms.kz ресми сайты, Qoldau 24/7 мобильді қосымшасы арқылы беруге болады немесе 1414 нөміріне жүгіну қажет. Барлығы міндетті түрде қаралады.
Медициналық ұйымдарды жалған жазбалар фактілеріне тексеру қалай жүзеге асырылады? Әлеуметтік медициналық сақтандыру қоры қаржы операторы ретінде тегін медициналық көмектің кепілдік берілген көлемі (ТМККК) және міндетті әлеуметтік медициналық сақтандыру (МӘМС) пакеттерінде халыққа көрсетілген медициналық қызметтерге ақы төлеуді жүргізеді.

Қор жеткізушілері халыққа пакеттер бойынша көрсеткен медициналық қызметтерге ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізіледі. Яғни, медициналық көмек көрсетудің стандарттары мен ережелерін, сондай-ақ клиникалық хаттамалардың ұсынымдарын сақтай отырып, іс жүзінде көрсетілген медициналық қызметтерге ғана ақы төленеді.

«Жалған жазбаларды» азаматтардың өтініштері бойынша анықтауға болады, содан кейін өтініште көрсетілген фактілер бойынша медициналық көмектің сапасы мен көлеміне жоспардан тыс мониторинг ашылады. Сарапшылар жеткізушілердің медициналық ақпараттық жүйесінде және Денсаулық сақтау министрлігінің ақпараттық жүйелерінде көрсетілген қызметтерге мониторинг жүргізеді. Нәтижесінде медициналық көмек көрсету барысындағы кемшіліктер анықталады.
Жалған жазбамен айналысатын медициналық ұйымдарға қандай жаза қолданылады? Қор өз құзыреті шеңберінде нақты көрсетілмеген қызметтерді анықтаған кезде медициналық ұйымдарға қатысты экономикалық ықпал ету шараларын, яғни айыппұл санкцияларын қолдана алады. Осындай фактілер үшін Қор медициналық ұйымнан расталмаған қызмет құнының 300% шешіп алады. Бұл қаражат басым бағыттар бойынша медициналық көмекті кейіннен қаржыландыруға жіберіледі.
13.06.2024
66% считают статью полезной Была ли эта статья для вас полезной ?
Сонымен қатар оқыңыз
ОБЩЕСТВЕННО-КОНСУЛЬТАТИВНЫЙ СОВЕТ ЗАВЕРШИЛ РАБОТУ В 2024 ГОДУ
ҚОҒАМДЫҚ-КОНСУЛЬТАТИВТІК КЕҢЕС 2024 ЖЫЛҒЫ ЖҰМЫСЫН АЯҚТАДЫ
Кеңес сарапшылары отырыс қорытындылары бойынша 20-дан астам шара қабылдады.
14.02.2025
ТОП 10 УНИКАЛЬНЫХ ОПЕРАЦИЙ ПО ОСМС ЗА ЯНВАРЬ 2025 ГОДА
2025 ЖЫЛДЫҢ ҚАҢТАР АЙЫНДА МӘМС АЯСЫНДА ЖАСАЛҒАН ТОП 10 БІРЕГЕЙ ОПЕРАЦИЯ
Қазақстандық дәрігерлер кәсібиліктің жоғары деңгейін дәлелдей отырып, күрделі хирургиялық операцияларды сәтті жүргізіп, заманауи медициналық технологияларды қолдануда. Елдің әртүрлі өңірлерінде ісікті алып тастау, омыртқадағы ісікті «цементтеу», сіңірді қалпына келтіру және бала жүрегіне жасалатын операция сияқты бірегей оталар жасалуда.
11.02.2025
КАК БЫСТРО ПРОВЕРИТЬ СТАТУС В ОСМС
МӘМС-ТЕГІ МӘРТЕБЕНІ ҚАЛАЙ ЖЫЛДАМ ТЕКСЕРУГЕ БОЛАДЫ
Медициналық көмек алу туралы сұрақтар бойынша 1414 байланыс орталығына қоңырау шалуға болатыны белгілі. Келіп түсетін өтініштердің бір бөлігі МӘМС жүйесіндегі мәртебені нақтылауға қатысты. Әлеуметтік медициналық сақтандыру қорындағылар оператордың жауабын күтуге уақыт жоғалтпай, мәртебені онлайн-сервис арқылы жылдам тексеруге болатынын еске салып өтті.
06.02.2025
Барлығын көру
Подать обращение МӘМС калькуляторы Іздеу