ХАБАРЛАНДЫРУ

Міндетті әлеуметтік медициналық сақтандыру жүйесінің жұмыс істеуі және дамуы мәселелері бойынша «Әлеуметтік медициналық сақтандыру қоры» КЕАҚ Қоғамдық-Консультативтік кеңесінің құрамын қалыптастыру туралы.

«Әлеуметтік медициналық сақтандыру қоры» КЕАҚ 2026 жылға арналған міндетті әлеуметтік медициналық сақтандыру жүйесінің жұмыс істеуі мен дамуы мәселелері жөніндегі Қоғамдық-Консультативтік кеңестің құрамын қалыптастырудың басталғаны туралы хабарлайды.

Қоғамдық-Консультативтік кеңес қызметін қоғамдық негізде жүзеге асыратын және Міндетті әлеуметтік медициналық сақтандыру жүйесін жетілдіру мәселелері бойынша Қордың азаматтық қоғам, кәсіби және сараптамалық қоғамдастық өкілдерімен өзара іс-қимылын қамтамасыз ететін тұрақты жұмыс істейтін консультативтік-кеңесші орган болып табылады.

Қоғамдық-Консультативтік кеңестің құрамына кандидатураларды қоғамдық бірлестіктер, үкіметтік емес ұйымдар, кәсіптік одақтар, кәсіпкерлік субъектілері, мемлекеттік органдар, сондай-ақ өзін-өзі ұсыну жолымен ұсына алады.

Кандидатураны қарау үшін Қоғамдық-Консультативтік кеңестің құрамына енгізу туралы өтінішті белгіленген нысан бойынша электрондық мекенжайға жіберу қажет: a.otarbay@fms.kz

Қоғамдық-Консультативтік кеңестің сандық құрамы 15 адамнан аспайды. Кеңес мүшелерінің өкілеттік мерзімі-бір күнтізбелік жыл.

Қоғамдық-Консультативтік кеңестің құрамын қалыптастыру нәтижелері «Әлеуметтік медициналық сақтандыру қоры» КЕАҚ ресми интернет-ресурсында орналастырылатын болады.

Байланыс тұлғасы:
Отарбай Айгерім Үйсінғалиқызы
Басқарма бастығы
Стратегия және жобаларды басқару орталығы
Тел.: +7 (7172) 67-46-74 (Ішкі нөмірі: 2609)

Өтініш нысаны қоса беріледі.

Қоғамдық-Консультативтік кеңес азаматтардың сенім деңгейін, сондай-ақ әлеуметтік медициналық сақтандыру қоры қызметінің тиімділігі мен ашықтығын арттыруға ықпал ете отырып, МӘМС жүйесі мәселелерінде жұртшылықтың пікірін білдіреді

Қоғамдық-Консультативтік кеңес қоғам атынан міндетті әлеуметтік медициналық сақтандыру жүйесін жетілдіру үшін ұсынымдар әзірлейді

Қоғамдық-Консультативтік Кеңестің құзыретіне МӘМС жүйесінің жұмыс істеуі мен дамуы мәселелері, сондай-ақ Қоғамдық-Консультативтік Кеңес туралы ережеде айқындалған басқа да функциялар кіреді

Қоғамдық-Консультативтік кеңестің құрамына коммерциялық емес және үкіметтік емес ұйымдардың, қоғамдық бірлестіктердің, кәсіптік одақтардың өкілдері, кәсіпкерлер, Қазақстан Республикасы мемлекеттік органдарының өкілдері, депутаттар және басқалар кіреді