24 қыркүйекте Әлеуметтік медициналық сақтандыру қорының басқарма төрағасы Әбілқайыр Сқақов маңғыстаулық клиникалардың өкілдерімен кездесіп, ондағы мәселелерді шешудің оңтайлы жолдарын іздеді. Қор басшысы бұған дейін жағдайды шілде айындағы Маңғыстау облысына сапары барысында қараған еді.


Бүгінгі таңда клиника өкілдері екі мәселені көтеріп отыр: 2023 жылдың наурыз айында бұрын көрсетілген қызметтер үшін төлем жасау және 2024 жылға стационарлық медициналық көмекті сатып алу құқығына қол жеткізу.


Бірінші сұрақ бойынша Әбілқайыр Сқақов кездесу барысында жеткізушілердің талаптарын қанағаттандыру үшін Қор 2023 жылдың наурыз айында көрсетілген, жеткізушілердің қайта ұйымдастырылуы және халықтың ҚР Денсаулық сақтау министрлігінің ақпараттық жүйелеріне уақытылы енгізілмеуі салдарынан төлем құжаттарына енбеген медициналық қызметтер үшін сот шешіміне сәйкес төлем жүргізе алатынын атап өтті. Алайда ол үшін Қаржы министрлігінен қосымша қаржы бөлу қажет. Тиісті сұраным Денсаулық сақтау министрлігіне жолданды.


Екінші сұраққа келсек, былтыр өңірлік комиссия жеткізушілерге 2024 жылға арналған ауыл халқына арналған стационарлық және стационарды алмастыратын жағдайлардағы мамандандырылған медициналық көмек көлемін орналастырудан бас тартқан болатын, себебі сатып алу ережелеріне сәйкес қажетті лицензия қосымшасы болмаған. Бас тартудан кейін «Байболат ШҚ» ЖК, «Сағынмед» ЖШС, «Есенқосов Е.Ж.» ЖК бірлесе сотқа шағымданған. Алайда, олар оң нәтиже бермеді.

Бұдан бөлек, бұл мәселе бойынша Қор Маңғыстау облысы филиалы деңгейінде де, орталық деңгейде де – 2023 жылдың желтоқсанынан 2024 жылдың тамызына дейін бірнеше ақпараттық-түсіндіру кездесуін өткізді. Тамыз айында Қор басшылығы мен облыс әкімінің орынбасары қатысқан жиналыстан кейін осы медициналық көмек түрін сатып алу жоспарын 2024 жылға түзету туралы шешім қабылданды. Алайда бұл ұсынысты ҚР ДСМ қолдамады.

Осыған байланысты өткен кездесу барысында ағымдағы нормативтік-құқықтық актілерге ресми түсініктеме алу және лицензиясыз жағдайларда ауыл халқына мамандандырылған медициналық көмек көрсету бойынша қызметтерді орналастыру мүмкіндігін дұрыс шешу үшін Денсаулық сақтау министрлігіне тиісті сұрау жіберу туралы шешім қабылданды. Қорытынды шешім Денсаулық сақтау министрлігінің жауабы негізінде қабылданады.

Айта кетейік, бұған дейін, 2024 жылдың 19 қыркүйегінде аталған клиникалардың Қорға қарсы кассациялық шағымын қарау бойынша ҚР Жоғарғы соты алқасының отырысы өтіп, істі қайта қарауға жіберу туралы шешім қабылданған еді.