Истории пациентов
Назад
Назад

ҚАРАСАЙДА НАУҚАСТЫҢ ЖҮРЕГІНЕ ЭЛЕКТРЛІК КАРДИОСТИМУЛЯТОР ОРНАТЫЛДЫ


Қарасай ауданының 64 жастағы тұрғыны талай жылдан бері жүректің ишемиялық ауруымен күресіп келген. Бұл — жүректе қан айналымы толық тоқтағандықтан немесе қажетті шамадан кем болғандықтан дамитын сырқат. Шілденің соңында азамат инсульт алып, аудандық ауруханаға жеткізілген. Жүрек соғысының бұзылуы анықталып, дәрігерлер кеңесінен кейін ота жасау туралы шешім қабылданған.

«Науқаста жүректің соғысы күндіз 150-160-қа дейін барып, ал түнгі уақытта 25-ке дейін түсті. Сол себептен біз күрделі отаға кірісіп, электрокардиостимулятор құрылғысын орнаттық. Қазіргі таңда азаматтың жағдайы жақсы. Жалпы, ауданда кардиология бөлімі 2022 жылдан бері толық жұмыс істейді. Мұндай оталарды жүргізу үшін мекеме ангиограф аппараты сынды қажетті медициналық құрал-жабдықтармен қамтамасыз етілген. Бұл біздің міндетті әлеуметтік медициналық сақтандыру жүйесі енгізілгелі бері жеткен үлкен жетістіктеріміздің бірі», - дейді кардиолог-дәрігер Орынбасар Тайманұлы.

Айта кетерлігі, Қарасай клиникалық көп бейінді орталық аудандық ауруханасына 284 мыңнан астам адам тіркелген. Тәулік бойы жұмыс істейтін стационар жоғары мамандандырылған медициналық көмек көрсетеді. Төсек-орын саны 500-ден асады. Былтыр барлық органдар мен тіндерге арналған бағдарламалық жасақтамасы бар соңғы үлгідегі 1 миллиард теңге тұратын МРТ аппараты орнатылған. Бұл өзге ірі қалаларға жолдамамен жіберілетін тұрғындар үшін қуанышты жаңалық болды. Енді мұндай зерттеу аудан орталығында қолжетімді.

«Жыл басынан 26 мыңға жуық науқасты емдедік. Хирургиялық араласулар мен медициналық қызметтердің жаңа түрлері енгізілді. Олардың қатарында коронарография, коронарлық артерияларды стенттеу, электрокардиостимулятор орнату, жамбас буынын, тізе буынын протездеу, артроскопиялық операциялар,миға, омыртқаға нейрохирургиялық операциялар, гемодиализ, лапароскопиялық операциялар бар. Сонымен қатар, тромбэктомиялар, перифериялық тамырларға операциялар спектрі кеңейді», - дейді Қарасай аудандық ауруханасы басшысының орынбасары Дәулет Ерболұлы.

Денсаулық сақтау жүйесінің дами түсуі халықтың сапалы қызмет алуына жол ашты. Көрсеткіштерге сүйенсек, нәресте өлімі азайып, қан айналымы жүйесі аурулары, жарақаттардан болатын өлім-жітім статистикасы да төмендеп отыр. Айта кетерлігі, Қарасайдың шалғай ауылдарында тұрғындар үшін медицина қолжетімділігі жыл сайын артып келеді. Мәселен, биыл Абай және Үштерек ауылдарында дәрігерлік амбулаторияның құрылысы басталды. Алда қолданысқа беріліп, ел игілігіне қызмет етеді деп күтілуде. Бұл ғана емес, келер жылы Қайнар ауылында фельдшерлік-акушерлік пункт салу жоспарланып отыр. Бүгінде жобалық-сметалық құжаттары әзірленіп, қазынадан қаражат қарастырылып жатыр. Көлащы, Шалқар, Бекболат, Ұлан, Бұлақты ауылдарының азаматтары үшін де қуаныш күндері алыс емес. Алда аталған елдімекендерде мединалық нысандар ашылады деп күтілуде.
13.08.2024
66% считают статью полезной Была ли эта статья для вас полезной ?
Читайте также
АТЫРАУ ДӘРІГЕРЛЕРІ ЖҮКТІ ӘЙЕЛГЕ КҮРДЕЛІ ОТАНЫ ТЕГІН ЖАСАДЫ
АТЫРАУ ДӘРІГЕРЛЕРІ ЖҮКТІ ӘЙЕЛГЕ КҮРДЕЛІ ОТАНЫ ТЕГІН ЖАСАДЫ
Атырау облыстық Перинаталдық орталығының дәрігерлері жүкті әйелге күрделі операция жасады.
26.01.2025
ВПЕРВЫЕ В АЛМАТЫ ПРОВЕДЕНЫ ОПЕРАЦИИ ПО ИМПЛАНТАЦИИ БЕСПРОВОДНОГО КАРДИОСТИМУЛЯТОРА
ВПЕРВЫЕ В АЛМАТЫ ПРОВЕДЕНЫ ОПЕРАЦИИ ПО ИМПЛАНТАЦИИ БЕСПРОВОДНОГО КАРДИОСТИМУЛЯТОРА
Уникальные операции по имплантации беспроводного кардиостимулятора AVEIR™️ VR успешно выполнены в городской клинической больнице №7 в ходе мастер-класса с участием президента Казахского общества аритмологов, профессора Больницы медицинского центра УДП г. Астаны Аяна Абдрахманова.
19.12.2024
В ШЫМКЕНТЕ ВРАЧИ ПРОВЕЛИ СЛОЖНУЮ ОПЕРАЦИЮ 70-ЛЕТНЕЙ БАБУШКЕ И ПРЕДОТВРАТИЛИ ИНСУЛЬТ
В ШЫМКЕНТЕ ВРАЧИ ПРОВЕЛИ СЛОЖНУЮ ОПЕРАЦИЮ 70-ЛЕТНЕЙ БАБУШКЕ И ПРЕДОТВРАТИЛИ ИНСУЛЬТ
Врачи городской больницы №2 города Шымкент провели сложную операцию 70-летней женщине, спасая её жизнь. Пациентка была доставлена в больницу с резкой головной болью, рвотой и потерей сознания.
18.12.2024
Смотреть все
Подать обращение Калькулятор ОСМС Поиск