Ақтөбеде ҚР денсаулық сақтау вице-министрі Олжас Әбішевтің қатысуымен аймақта МӘМС енгізу бойынша аймақтық штаб отырысы өтті.

ӘМСҚ аймақтық филиалының мәліметі бойынша, бүгінгі таңда облыстағы 875 мың халқының 7 мыңнан астам тұрғындарының МӘМС жүйесінде мәртебелері өзектілендірмеген.

Бұл азаматтардың мәртебелерін өзектілендіру бойынша жұмысты тезірек аяқтау тапсырылды.

Облыс халқының жартысынан астамы (478,4 мың адам) жеңілдікті санаттарындағы азаматтарға жатады. Олар үшін салымдарды мемлекет жасайды.

2017 жылдың 1 шілдесінен бастап 2020 жылдың 31 қаңтарына дейін ақтөбеліктер Әлеуметтік медициналық сақтандыру қорына 11,8 млрд теңге аударды.

2020 жылға қор филиалы мен медициналық қызметтерді жеткізушілер арасында 54 млрд теңгеден астам сомаға келісім-шарттар жасалды (ТМККК – 38 млрд теңгеден астам, МӘМС – 16 млрд теңгеге жуық).

Биыл филиал 60 медициналық жеткізушілермен жұмыс істейді, олардың 35-і мемлекеттік, 25-і жекеменшік медициналық ұйымдар.

Азаматтарға ыңғайлы болу үшін облыстағы амбулаториялық-емханалық көмек көрсететін 35 медициналық ұйымдарның барлығында өзіне-өзі қызмет көрсету терминалдары орнатылған. Олар арқылы МӘМС жарналарын төлеуге болады.