Әлеуметтік медициналық сақтандыру қоры халықтың ақпараттандырылуын арттыру және МӘМС жүйесіндегі мәртебені тексеру қолжетімділігін қамтамасыз ету мақсатында, оның ішінде екінші деңгейлі банктер арқылы халықпен кері байланыс орнату бағытында белсенді жұмыс жүргізуде. Банк мобильді қосымшалары арнасы өзінің кең танымалдылығы, қолайлылығы, кең функционалдық мүмкіндіктері және төлемдерді қосымша арқылы тікелей жүзеге асыру мүмкіндігіне байланысты таңдалды.

Мәртебе туралы белсенді ақпараттық-түсіндіру жұмыстарын жүргізу мақсатында МӘМС жүйесіндегі төлемдердің өткізіп алынуы кезінде клиенттерге push-хабарламалар жолдау сервисі іске асырылды.

Аталған сервис азаматтарды сақтандырылған мәртебесін жоғалту қаупі және МӘМС жүйесінде медициналық көмек алу құқығын сақтау үшін қажетті шараларды қабылдау қажеттілігі туралы уақытылы хабардар етуге мүмкіндік береді.

Сонымен қатар, маусым айында сервисті енгізу жөнінде «Kaspi Bank» АҚ-мен Меморандумға қол қойылды. Келісімді іске асыру аясында сервисті тұрақты негізде кейіннен іске қосу мақсатында тараптардың ақпараттық жүйелерін интеграциялау жұмыстары жүргізілуде.

Бүгінгі таңда аталған сервис үш банкпен жүзеге асырылғанын атап өтеміз: «Еуразиялық Банк» АҚ, «Қазақстан Халық Банкі» АҚ және «Фридом Банк Қазақстан» АҚ.

Хабарламалар банк мобильді қосымшалары арқылы ай сайын алушылардың келесі үш санатына жіберіледі:
• «медициналық қызметтерді тұтынушы емес (сақтандырылмаған)» мәртебесіндегі тұлғаларға;
• келесі айда сақтандырылған мәртебесінің мерзімі аяқталатын тұлғаларға;
• соңғы өткен ай үшін төлемі жоқ тұлғаларға.

Сервисті енгізудің негізгі мақсаты МӘМС төлеушілерінің құқықтарын сақтандыру мәртебесі туралы уақытылы хабардар ету арқылы қорғау және МӘМС жүйесі шеңберінде медициналық көмекке үздіксіз қолжетімділікті қамтамасыз ету болып табылады.