Қостанай облысының ауыл тұрғындарына жылжымалы медициналық кешендер 12 мыңнан астам медициналық қызмет көрсетті
Биыл еліміз ең маңызды оқиға - Қазақстан Республикасы Тәуелсіздігінің 30 жылдығын атап өтуде. Осы жылдар ішінде барлық салада, соның ішінде денсаулық сақтау саласында да елеулі өзгерістер болды. Егемендік алған сәттен бастап біздің еліміз қоғамның өмірінде көрініс тапқан проблемаларға тап болды. Біздің облыс үшін осындай проблемалардың бірі шалғай ауылдарда тұратын тұрғындарға медициналық көмек көрсету болды. Әдетте, оларда тек медициналық пункттер бар, олардың жабдықтары мен штаты толыққанды зерттеулер жүргізуге мүмкіндік бермейді.
Мемлекет басшысы Қ.Тоқаев 2020 жылғы 1 қыркүйектегі Қазақстан халқына Жолдауында шалғайдағы ауылдық елді мекендер үшін көлік медицинасын дамыту бойынша шаралар қабылдауды тапсырды. Егер өткен жылы Қостанай облысының ауыл тұрғындарына көшпелі медициналық көмекті 4 жылжымалы медициналық кешен көрсеткен болса, 2021 жылы республикалық бюджет есебінен қосымша сатып алынған Қостанай «СарыаркаАвтоПром» зауыты шығарған 10 жаңа ЖМК бірінші маусымын пысықтады.
«Қостанай облысында 2021 жылдың 9 айында көшпелі тексерулермен 143 елді мекен қамтылды, 6 мыңнан астам адам тексерілді, бұл өткен жылдың деңгейінен 26 есе жоғары. Тексерілген азаматтарға 9 айда тегін медициналық көмектің кепілдік берілген көлеміне және МӘМС пакетіне кіретін 12 707 қызмет көрсетілді. Ағымдағы жылдың 9 айында Әлеуметтік медициналық сақтандыру қоры медициналық ұйымдарға көрсетілген қызметтер үшін 24 млн теңге, бұл соманың 97% МӘМС-ке кіретін медициналық қызметтер, үшін төледі» - деп хабарлады Қостанай облысы бойынша медициналық сақтандыру Қоры филиалының директоры Батырбек Нұрғалиев.
Қостанай аудандық ауруханасының бас дәрігері Владимир Шатерников дәрігерлер бригадасының доңғалақтарындағы диагностикалық орталықтардың көмегімен адамдарға скринингтер, кәсіби тексерулер, тексерулер жүргізу, сондай-ақ сол жерде қажетті көмек көрсету үшін баратынын хабарлады. Жылжымалы медициналық кешендерде кеңес беру, мамандандырылған медициналық көмек, диагностикалық зерттеулер көрсетуге мүмкіндік беретін 7 кабинет бар ол: жалпы қабылдау кабинеті, жалпы практика дәрігерінің аймағы, талдауларды қабылдау аймағы, дәріхана пункті, функционалдық диагностика кабинеті, акушер-гинеколог кабинеті, рентген-кабинет, сондай-ақ автобус автоматтандырылған пандуспен жабдықталған. «Ағымдағы жылы біздің аудандық аурухананың жылжымалы медициналық кешені Қостанай ауданының 18 ауылдық елді мекенін қамтыды, 4900-ден астам адам тексеруден өтті», - деп атап өтті Владимир Владимирович.
Бірақ 2020-21 жылдары ЖМК шығуларына облыстағы эпидемиологиялық жағдай қатты әсер еткенін атап өту қажет. Сондықтан келесі жылға үлкен жоспарлар жүктелуде.
