Әлеуметтік медициналық сақтандыру қорында аппарат басшысы және Абай облысы бойынша филиал директоры тағайындалды. Басқарма төрағасының бұйрығымен бұрын қызметті қамтамасыз ету департаментін басқарған Жасұлан Серғазин Әлеуметтік медициналық сақтандыру қоры аппаратының басшысы болып тағайындалды. Жұмыс өтілі шамамен 14 жыл, оның ішінде 7 жыл басшылық лауазымдарда істеді. Әр жылдары орталық мемлекеттік органдарда жұмыс істеді.
«Жасұлан Шарафитденұлы, Сіз Қордың қызметімен жақсы танысып үлгердіңіз. Енді сіз аппарат басшысы ретіндегі тәжірибеңізді көрсетіп, жұмысты жаңа сапалы деңгейге көтере аласыз деп үміттенемін», - деп атап өтті Әбілқайыр Сқақов.

Сонымен қатар, бұрын басшы орынбасары қызметін атқарған Ельмира Рахимбаева Абай облысы бойынша филиалының директоры болып тағайындалды. Ол 2024 жылғы кадрлық резервтің жаңа құрамына кірді, бұл оған жұмыста жоғарылауға мүмкіндік берді.

«Ельмира Жанатқызының орталық аудандық ауруханада, Денсаулық сақтау басқармасында жұмыс тәжірибесі бар. Қор жүйесінің жұмысымен 2018 жылдан бастап таныс. Сіз жинақталған білімді бірінші басшы ретінде тиімді пайдаланатыныңызға сенімдімін», - деді Әбілқайыр Сқақов.

Жалпы еңбек өтілі 26 жыл, оның 7 жылдан астамын басшы ретінде істеді. Семей мемлекеттік медицина институтын бітірген, экономика және бизнес магистрі дәрежесіне ие.