ӘМСҚ: 2022 жылы медицина қызметкерлерінің жалақысын көтеруге 75 млрд теңге қарастырылған
Әлеуметтік медициналық сақтандыру қоры «Дені сау ұлт» Ұлттық жобасының шараларын іске асыру арқылы халық үшін медициналық көмектің кейбір түрлері бойынша қаржыландыруды ұлғайтуды, сондай-ақ медицина қызметкерлерінің жалақысын кезең-кезеңімен арттыруға қаражат бөлуді көздеп отыр.
Дәрігерлердің орташа жалақысын жүйелі түрде арттыру үшін экономикадағы орташа жалақыға 2022 жылы 30,78 млрд теңге, орта медициналық қызметкерлердің орташа жалақысын арттыруға 44,29 млрд теңге қарастырылған.
Ауыл тұрғындарының медициналық көмекке қолжетімділігін қамтамасыз ету үшін қаржыландыруды ұлғайту жалғасады. 2022 жылы ауылдық елді мекендерді алғашқы медициналық-санитариялық және консультациялық-диагностикалық көмекпен қамту 47,5% - ға жетеді, оның ішінде жылжымалы мобильді кешендер қызметтерімен қамтылған халық саны 1,2 млн адамға дейін өсетін болады.
«Шалғайдағы ауылдық елді мекендерде тұратын халықты жылжымалы медициналық кешендерді тарта отырып, медициналық қызметтермен қамтамасыз ету үшін келесі жылы 13,95 млрд теңге бөлінеді. Қымбат тұратын медициналық қызметтердің қолжетімділігін арттыру үшін, оның ішінде ауылда МӘМС енгізу және квоталарды ұлғайту есебінен келесі жылы 1 млн қызметті қаржыландыруға 26 млрд теңге қарастырылған», - деп нақтылады.
«Аңсаған сәби» бағдарламасын жүзеге асыру жалғасады, 2022 жылы 7 мың ЭКҰ-ны қаржыландыруға 6,68 млрд теңге қарастырылған.
Сондай-ақ жүкті әйелдерді жеке және пәнаралық босанғанға дейінгі бақылаумен қамту 80% - ға дейін, ал 1 жасқа дейінгі балаларды проактивті бақылаумен және скринингтермен қамту 75% - ға дейін ұлғайтылады.
Мүмкіндігі шектеулі балаларды медициналық оңалтумен қамтуды ұлғайту жоспарлануда, 2022 жылы көрсеткіш 30-ға дейін өседі. Жасөспірімдер мен жастардың психикалық және репродуктивті денсаулығы мәселелері бойынша мамандардың қызметтеріне қол жетімділікті қамтамасыз ету үшін жастар денсаулық орталықтарында 2,35 млрд теңге бөлінді.
