ҚР Денсаулық сақтау министрлігі Әлеуметтік медициналық сақтандыру қорымен бірлесіп қоғамдық тыңдау өткізді
2022 жылғы 29 маусымда Нұр-Сұлтан қаласында ҚР Денсаулық сақтау министрлігі, "Атамекен" Ұлттық кәсіпкерлер палатасы, Денсаулық сақтау саласындағы қоғамдық бірлестіктер және монополияға қарсы орган өкілдерінің қатысуымен "Әлеуметтік медициналық сақтандыру қоры" КеАҚ іске асыратын қызметтер бағасының жобасын талқылау бойынша қоғамдық тыңдау өтті.
Қоғамдық тыңдаулар - мемлекеттік монополия субъектісі іске асыратын қызметтердің құнын бекіту жөніндегі міндетті рәсімдердің бірі.
Қор қызметтерінің құны Қазақстан Республикасы Еңбек кодексінің талаптарына сәйкес мемлекеттік реттеу енгізілгеннен бастап, осы қызметтерді көрсетуге жұмылдырылған қызметкерлердің еңбек нормаларын негізге ала отырып, қаржы жылына Қордың даму Жоспары аясында бекітілген монополияға жататын қызметті жүзеге асыруға арналған шығыстарды есептеуге бағытталған.
Талқылау барысында атап өтілгендей, ҚР Кәсіпкерлік кодексіне және "МӘМС туралы" Заңға сәйкес, Қор қызметтерінің құнын есептеу негізіне мемлекеттік монополияға жататын қызметтің екі түрін жүзеге асыруға арналған шығыстар кірді.
Бірінші, аударымдар мен жарналарды есептеу. МӘМС-ке аударылатын аударымдар мен жарналардың есебі, мониторинг, қысқа, орта және ұзақ мерзімді кезеңдерге талдау және жоспарлау, актуарлық есептеулер, МӘМС-ке түсімдерді қамтамасыз ету бойынша ақпараттық-түсіндіру жұмыстарын жүргізу, халықпен және заңды тұлғалармен қарым-қатынас орнату, соның ішінде 1406 Call-орталық арқылы есептеу, ставкалар, мерзімдер, жарналар мен аударымдарды төлеу тәсілдері туралы ақпарат беру.
Екінші түрі мемлекеттік монополия, бұл МӘМС жүйесінде медициналық көмек көрсету бойынша денсаулық сақтау субъектілерінің қызметін төлеу. Оған МӘМС жүйесіндегі келісімшарт бойынша көрсетілген медициналық қызметтердің сапасы мен көлеміне мониторинг кіреді. Оның ішінде ресми кері байланыс арналары арқылы Қорға келіп түскен шағымдар негізінде төлемге актілерді қалыптастыру және қол қою, жеткізушілермен көрсетілген медициналық қызметтерге төлемдер МӘМС активтері бойынша бухгалтерлік есепке алынады.
Қор өкілдері аударымдар мен жарналарды шоғырландыру, МӘМС жүйесінде медициналық көмек көрсету бойынша Денсаулық сақтау субъектілерінің қызметтеріне ақы төлеу бойынша қор мемлекеттік монополия субъектісі ретінде іске асыратын қызметтер бағаларының жобалары монополияға қарсы органға сараптамаға жіберілетінін және денсаулық сақтау саласындағы уәкілетті орган бекіткеннен кейін комиссиялық сыйақы мөлшерін есептеу кезінде қолданылатынын түсіндірді.
"Міндетті әлеуметтік медициналық сақтандыру туралы" ҚР Заңына сәйкес Қор қызметін жыл сайын ҚР Үкіметінің қаулысымен бекітілетін комиссиялық сыйақы есебінен жүзеге асырады.
ҚР Денсаулық сақтау министрлігінің ведомстволық ұйымдар мен мемлекеттік активтер корпоративтік басқару департаменті директорының орынбасары Нұрбек Дусиповтың пікірінше, қызметтер бағасының жобасын талқылау бойынша көпшілік тыңдаулар өткізу Қор қызметінің мінсіздігі мен ашықтығын көрсетеді.
