Әлеуметтік медициналық сақтандыру қорының басшысы Қостанай облысы әкімінің орынбасарымен кездесті
Жұмыс сапары аясында Қор Басқармасының Төрағасы Болат Төкежанов Қостанай облысы әкімінің денсаулық сақтау саласына жетекшілік ететін орынбасары Ерлан Спановпен іскерлік кездесу өткізді. Кездесуге өңірдің денсаулық сақтау басқармасы басшысының міндетін атқарушы Рүстем Айтбаев қатысты.
Кездесуге қатысушылар медициналық ұйымдарды қаржыландыру, тариф белгілеу, халықты дәрілік препараттармен қамтамасыз ету мәселелерін талқылады.
Басқарма төрағасы Қор тарапынан пациенттерді ТМККК және МӘМС-ке кіретін дәрі-дәрмектермен, оның ішінде өмірлік қажетті химиялық препараттармен қамтамасыз ету үшін СК-фармацияны уақтылы қаржыландыру жүзеге асырылып жатқанын атап өтті.
Қазіргі уақытта Қостанай облысында халықтың 76% - ы медициналық сақтандыру жүйесінің қатысушылары болып табылады, бұл жалпы республикалық көрсеткіштен төмен. Осыған байланысты, Болат Төкежанов халықты МӘМС-ке тарту бойынша жүйелі жұмысты жалғастыру, "Атамекен" ҰКП-ны, Мемлекеттік кірістер комитетінің аумақтық бөлімшесін және медициналық ұйымдарды тарта отырып, өңірлік штабтың тиімділігін арттыру қажеттігін атап өтті.
Сондай-ақ, Болат Төкежанов ӘМСҚ филиалының жаңа директоры Батырбек Нұрғалиевті таныстырды. Өз кезегінде Ерлан Спанов бұрынғы директор Сәуле Аймұхамбетованың жұмысын жоғары бағалап, оны үздік маман және мықты қаржыгер ретінде білетінін атап өтті.
