Бүгін «Әлеуметтік медициналық сақтандыру қоры» КЕАҚ басқарма төрағасы Болат Токежановтың Ақтөбе облысына жұмыс сапары барысында ондағы жаңа директор - Алтай Оразбағамбетов Қор филиалының қызметкерлерімен таныстырылды.
Бұған дейін ол түрлі медициналық ұйымдарда басшылық қызметтер атқарған, Ақтөбе облысы бойынша Медициналық қызметтердің сапасын бақылау департаментінің директоры, "Дәрілік заттарды, медициналық мақсаттағы бұйымдар мен медициналық техниканы сараптау ұлттық орталығы"ШЖҚ РМК аумақтық филиалының директоры болған.
Ұжымның жаңа директормен алғашқы кездесуі жұмыс кеңесі форматында өтті, онда Қордың өңірдегі филиалының ағымдағы қызметі талқыланды, Ақтөбе облысында медициналық көмек көрсетудің проблемалық мәселелері көтерілді және оларды шешу жолдары ұсынылды.
Филиалдың экс - директоры Батырбек Нұрғалиев жаңа директорға атқарылған жұмыстар мен негізгі проблемалық мәселелер туралы қысқаша айтып берді.
"ӘМСҚ" КЕАҚ Басқарма төрағасы Болат Төкежанов Батырбек Нұрғалиевке атқарған жұмысы үшін алғыс айтып, алдағы еңбек жолында табыс тіледі.
