Әлеуметтік медициналық сақтандыру қорында медициналық ұйымдардағы оң динамиканың сақталуы қаржылық тұрақтылықты қамтамасыз етуге бағытталған жүйелі жұмыстың нәтижесі екенін атап өтті. 2024 жылдың басында 537 медициналық ұйым бойынша кредиторлық берешек көлемі 82,3 млрд теңгені құрады.

«Медициналық ұйымдарды қаржылық сауықтыру бойынша жүргізілген жұмыстардың нәтижесінде тұрақты оң динамика байқалып отыр. Былтырғы осы кезеңмен салыстырғанда кредиторлық берешек 12%-ға төмендеп, 111,6 млрд теңгеден 98,4 млрд теңгеге дейін азайды. Атап өтерлігі, мерзімі өтіп кеткен берешек көлемі үштен бірінен де көп мөлшерге – 21 млрд теңгеден 13,4 млрд теңгеге дейін қысқарды. Бұл көрсеткіштер Денсаулық сақтау министрлігінің дер кезінде қабылдаған шараларының, соның ішінде қаржылық тұрақтылықты арттыру жөніндегі іс-шаралар жоспарының бекітілуі мен аймақтық денсаулық сақтау басқармаларын тарта отырып, берешек пен жалақы төлеміне мониторинг жүргізудің нәтижесінде мүмкін болды», – деді Әлеуметтік медициналық сақтандыру қоры басқарма төрағасының орынбасары Индира Саркенова.

Кешенді тәсіл аясында бірқатар шаралар қабылданды. 2024 жылдың мамыр айында жыл соңына дейін кредиторлық берешектің өсу қаупі бар медициналық ұйымдарды анықтау мақсатында 30 мекеме бойынша қаржылық көрсеткіштерге талдау жүргізілді. «Медициналық ұйымдардың кредиторлық берешегін оңтайландыру арқылы қаржылық тұрақтылығын арттыру жөніндегі іс-шаралар жоспары» бекітіліп, қысқа мерзімді және жүйелі шаралар көзделді. Сонымен қатар медициналық қызметкерлерге еңбекақыны уақытылы төлеу мен медициналық ұйымдардың кредиторлық берешегіне мониторинг жүргізу тәртібі бекітіліп, өңірлік денсаулық сақтау басқармаларының қатысуымен іске асырылуда. Медициналық қызметкерлерге еңбекақыны уақытылы төлеу мен медициналық ұйымдардың кредиторлық берешегіне мониторинг жүргізу тәртібі бекітілді. Бұл жұмысқа өңірлік денсаулық сақтау басқармалары тартылған.

Аталған шаралар медициналық ұйымдардағы қаржылық қиындықтарға жедел әрекет етуге мүмкіндік беріп, жағдайды тұрақтандырумен қатар, елдің денсаулық сақтау жүйесінде қаржылық тәуекелдерді басқарудың орнықты тетіктерін қалыптастыруға негіз болды.