«ӘМСҚ» КЕАҚ медициналық көмек сапасы мониторингі Департаментінің тәуелсіз сараптама ұйымдастыру басқармасы 2026 жылға арналған тәуелсіз сарапшылар/бейінді мамандар базасын жаңарту туралы хабарлайды. Базаға енгізу үшін құжаттардың көшірмелерінің келесі тізбесін ұсыну қажет:
1) жоғары медициналық білімі туралы дипломның болуы (шетелдік білім беру ұйымдары берген білімі туралы құжаттар үшін «Білім туралы» Қазақстан Республикасы Заңының 39-бабына сәйкес тану немесе нострификациялау рәсімінен өткенін растайтын құжаттың болуы қажет);
2) мәлімделген мамандығы бойынша кемінде 7 жыл үздіксіз еңбек өтілінің болуын растайтын құжаттың болуы (еңбек кітапшасы не Қазақстан Республикасы Еңбек кодексінің 35-бабына сәйкес өзге құжат), сондай-ақ сараптама жүргізу кезінде мәлімделген мамандығы бойынша денсаулық сақтау саласындағы қызметті жүзеге асыру қажет, кемінде 7 жыл жұмыс өтілі бар медициналық жоғарғы оқу орындарының профессорлық-оқытушылық құрамын қоспағанда;
3) «Денсаулық сақтау қызметкерлерінің үздіксіз кәсіби даму нәтижелерін растау, біліктілік деңгейлерін беру және растау қағидаларын бекіту туралы» Қазақстан Республикасы Денсаулық сақтау министрінің 2020 жылғы 20 желтоқсандағы № ҚР ДСМ-283/2020 бұйрығына (Нормативтік құқықтық актілерді мемлекеттік тіркеу тізілімінде № 21843 болып тіркелген) сәйкес біліктіліктің салалық негіздемесіне сәйкес біліктілік деңгейі 7.3 (R)-ден төмен емес, ал амбулаториялық-емханалық көмек көрсететін қызметкерлер үшін 7.2 (I)-дан төмен емес көрсете отырып, тиісті мамандық/мамандану бойынша денсаулық сақтау саласындағы маман сертификаты немесе бірінші және (немесе) жоғары біліктілік санатын беру туралы куәлік;
4) жеке және заңды тұлғалардан медициналық қызметтер (көмек) көрсету саласындағы апелляциялық комиссия қорытындысының нәтижелері бойынша мемлекеттік орган басшысының шешімдерімен расталған бір күнтізбелік жыл ішінде сараптама сапасына бір және одан да көп негізделген өтініштердің болмауы;
5) соңғы 5 жылда тәуелсіз сараптама жүргізу мәселелері бойынша 4 кредиттен (120 сағаттан) кем емес жалпы көлемде қосымша және бейресми білімнен өткенін растайтын құжаттың болуы қажет (тек тәуелсіз сарапшы үшін).

Құжаттардың көшірмелерін келесі электрондық пошта мекенжайларына жіберу қажет:
sh.krekessova@fms.kz (Крекесова Шахизада Мұратбекқызы тел. 674-674 (ішкі. 1520);
a.nazarbekova@fms.kz (Назарбекова Ақзер Жамбылқызы, тел. 674-674 (ішкі 1509).

Тәуелсіз сарапшылар мен бейінді мамандарды «ӘМСҚ» КеАҚ ақылы негізде көрсетілген медициналық қызметтердің сапасына сараптама/бағалау жүргізу үшін тартылады (Қазақстан Республикасы Денсаулық сақтау министрінің 2020 жылғы 16 қыркүйектегі № ҚР ДСМ-103/2020 бұйрығының 5-тармағының 3) тармақшасы).