Артқа
Артқа

МЕДИЦИНАЛЫҚ САҚТАНДЫРУ ҚОРЫ: ӨЗЕКТІ СҰРАҚТАРҒА ЖАУАП

Әлеуметтік медициналық сақтандыру қоры БАҚ пен әлеуметтік желілерде көтерілетін бірқатар өзекті мәселе бойынша түсініктеме береді.

Біріншісі - жиі қойылатын сұрақтардың дені сақтандырылған адамдарға ұсынылатын медициналық қызметтердің қолжетімділігіне қатысты.

МӘМС жүйесі енгізілгелі бері медициналық көмектің қолжетімділігі айтарлықтай өсті. Мәселен, жүйе іске қосылғанға дейін КТ және МРТ секілді қымбат зерттеулер халықтың 8 әлеуметтік осал санатына ғана қолжетімді болды.

Қазір бұл қызметтер "сақтандырылған" мәртебесі бар кез келген азаматқа қолжетімді. 2019 жылы емханалар арқылы 201 мың КТ және МРТ қызметі көрсетілсе, 2022 жылы көрсетілген қызмет саны 1 млн 400 мыңды құрады. Яғни көрсеткіш 7 есе жоғары.

Сол секілді ересек пациенттер алғаш рет шұғыл емдеуді қажет ететін жүрек-қан тамырлары, неврологиялық, онкологиялық, буын аурулары, жарақаттар секілді дерт түрлерінен кейін оңалту мүмкіндігіне ие болды.

Жалпы, 253 мың ересек адам мен бала МӘМС есебінен стационарларда оңалту шараларынан өтуге мүмкіндік алды. Жыл сайын буын ауыстыру операциялары 4 мыңға көбейді. Бедеулік диагнозымен бетпе-бет келген 7000 ерлі-зайыптыға ЭКО-ны тегін алуға жол ашылды. 

МӘМС арқылы көрсетілетін стоматологиялық көмек 5 есе артты. Тегін дәрі-дәрмекпен, соның ішінде сирек кездесетін орфандық ауруларға ұшыраған 3,9 миллион адам өте қымбат дәрі-дәрмекпен қамтылды. Бұрын бұл көрсеткіш 1,5 миллион адамға аз еді.

Екіншісі - медициналық көмекке жүгінбеген жағдайда МӘМС жарнасын қайтару мәселесіне қатысты. Медициналық сақтандыру қоры мұндай тәсіл халықты қаражатының бір бөлігін қайтару үшін ауырып тұрған кезде де медициналық көмекке жүгінбеуге итермелейді деп есептейді. Осының салдарынан жедел, созылмалы және әлеуметтік маңызы бар аурулар көбейіп, халықтың денсаулығы тым нашарлап кетуі мүмкін. Сонымен қатар күрделі әрі ауыр жағдайдағы ауруларды емдеуге мемлекет кепілдік береді. Бұл мемлекеттік бюджетке қосымша жүктеме түсіреді әрі тікелей салықтарды көбейтуді талап етеді. Халықаралық тәжірибеде мұндай тәсілдер қолданылмайды.

Үшіншісі - халыққа медициналық көмек көрсетуден бас тарту мәселесіне қатысты. Қор азаматтардың ӘМСҚ-ның өңірлік филиалдарына жолдаған өтініштерін мониторингілеу деректері бойынша, соңғы кезеңде медициналық көмек көрсетуден бас тартуға қатысты шағымдар түспегенін, медициналық қызмет көрсетушілердің барлығы штаттық режимде жұмыс істейтінін хабарлайды.

16.05.2023
66% считают статью полезной Была ли эта статья для вас полезной ?
Сонымен қатар оқыңыз
ТОП 10 УНИКАЛЬНЫХ ОПЕРАЦИЙ ПО ОСМС ЗА ЯНВАРЬ 2025 ГОДА
2025 ЖЫЛДЫҢ ҚАҢТАР АЙЫНДА МӘМС АЯСЫНДА ЖАСАЛҒАН ТОП 10 БІРЕГЕЙ ОПЕРАЦИЯ
Қазақстандық дәрігерлер кәсібиліктің жоғары деңгейін дәлелдей отырып, күрделі хирургиялық операцияларды сәтті жүргізіп, заманауи медициналық технологияларды қолдануда. Елдің әртүрлі өңірлерінде ісікті алып тастау, омыртқадағы ісікті «цементтеу», сіңірді қалпына келтіру және бала жүрегіне жасалатын операция сияқты бірегей оталар жасалуда.
11.02.2025
КАК БЫСТРО ПРОВЕРИТЬ СТАТУС В ОСМС
МӘМС-ТЕГІ МӘРТЕБЕНІ ҚАЛАЙ ЖЫЛДАМ ТЕКСЕРУГЕ БОЛАДЫ
Медициналық көмек алу туралы сұрақтар бойынша 1414 байланыс орталығына қоңырау шалуға болатыны белгілі. Келіп түсетін өтініштердің бір бөлігі МӘМС жүйесіндегі мәртебені нақтылауға қатысты. Әлеуметтік медициналық сақтандыру қорындағылар оператордың жауабын күтуге уақыт жоғалтпай, мәртебені онлайн-сервис арқылы жылдам тексеруге болатынын еске салып өтті.
06.02.2025
СКОЛЬКО ПОСТАВЩИКОВ БУДЕТ ОКАЗЫВАТЬ МЕДУСЛУГИ В 2025 ГОДУ
2025 ЖЫЛЫ ҚАНША МЕДҰЙЫМ МЕДИЦИНАЛЫҚ ҚЫЗМЕТ КӨРСЕТЕДІ
Әлеуметтік медициналық сақтандыру қорында ағымдағы жылға сатып алу қорытындылары жарияланды.
31.01.2025
Барлығын көру
Подать обращение МӘМС калькуляторы Іздеу