Бүгін Жамбыл облысына жұмыс сапары аясында "Әлеуметтік медициналық сақтандыру қоры" КЕАҚ Басқарма Төрағасы өңірлік филиал қызметкерлерімен жұмыс кеңесін өткізіп, жаңа директор–Ләззат Әлімованы таныстырды.
Өзінің еңбек жолын Шымкент қаласы МСАК кардиология бөлімінде дәрігер-интерн болып бастаған. ҚР Денсаулық сақтау министрлігінің Республикалық электрондық денсаулық сақтау орталығының Оңтүстік Қазақстан облыстық филиалын басқарды, ҚР ДСММӘМС үйлестіру департаменті директорының медициналық қызметке ақы төлеу комитеті төрағасының орынбасары болып жұмыс істеді.
2018 жылдан бастап тікелей Әлеуметтік медициналық сақтандыру қорында әртүрлі лауазымдарды атқарды-алдымен Медициналық көмекті сатып алуды ұйымдастыру департаментінің директоры, содан кейін Шымкент қаласы бойынша филиал директорының орынбасары болды.
Ұжым алдында сөйлеген сөзінде Болат Төкежанов Қордың Жамбыл облысындағы филиалын құрудың бастауында тұрған бұрынғы басшы Мавлюда Бокаеваға алғыс айтып, оған "Еңбек сіңірген қызметкер"төсбелгісін табыс етті. Айта кетейік, ол зейнеткерлік жасқа толуына байланысты құрметті демалысқа шықты.
