Әлеуметтік медициналық сақтандыру қорының басшысы Болат Төкежанов Бүгін Қостанай облысына жұмыс сапары аясында бірқатар медициналық нысандарды аралады, олардың ішінде қалалық көпбейінді онкологиялық аурухана мен Қостанай облыстық балалар ауруханасы бар.
Онкологиялық аурухананың бас дәрігерінің міндетін атқарушы Максим Бобошко пациенттерге стационарлық және стационарды алмастыратын нысанда жоғары мамандандырылған медициналық көмек, сондай-ақ консультациялық-диагностикалық көмек көрсетілетінін атап өтті. Барлық медициналық көмек тегін медициналық көмектің кепілдік берілген көлемі (ТМККК) шеңберінде ұсынылады.
Айта кетейік, аурухана тәулік бойы стационарда 220, күндізгі стационарда 40 пациентті қабылдай алады. Бас дәрігердің мәліметінше, аурухана жанындағы емханада бір ауысымда 300-ге жуық пациент қабылданады.
Қор басқармасының төрағасымен кездесу барысында онкологиялық аурухананың қымбат, бірақ тиімді химиотерапиялық және мақсатты препараттарды қолдану, сондай-ақ өкпе обыры, меланома, колоректальды қатерлі ісігі бар пациенттерді анықтауға және дербестендірілген терапия көрсетуге мүмкіндік беретін молекулалық-генетикалық зерттеулерді енгізу мәселелері талқыланды. Жаңа технологияларды енгізу сұрақтары қаржыландыруды ұлғайтуды талап етеді, олар бюджетке түзету енгізу барысында қарастырылатын болады.
Қостанай облыстық балалар ауруханасына барған кезде бас дәрігер Ұлықбек Әсілбеков Болат Төкежановты жөндеуге қарамастан, тегін медициналық көмектің кепілдік берілген көлемі шеңберінде және МӘМС жүйесінде облыстың барлық түкпірінен келген балаларға көмек бұрынғы көлемде көрсетілетінін хабардар етті. Жөндеу жұмыстары аяқталғаннан кейін облыстық балалар ауруханасын КТ/МРТ жаңа аппаратымен жабдықтау, рентген аппаратын жаңарту жоспарлануда.
Қор басшысымен медициналық ұйымды қаржыландырудың, коммуналдық төлемдер шығындарының, сондай-ақ 5 жастан асқан балалары шұғыл түрде стационарға түскен ата-аналарды тегін ПТР-тестілеу мүмкіндігін қарастырудың өзекті мәселелері талқыланды.
"Филиал халыққа медициналық көмек көрсету, КДУ қызметтері, әсіресе КТ/МРТ зерттеулер мәселелерін ерекше бақылауға алуы қажет. Бұл қызметтерді пациенттердің ұзақ күтуіне жол беруге болмайды", - деп атап өтті Болат Төкежанов.
