Бүгін Ақтөбе облысына жұмыс сапары барысында Қор басшысы Болат Төкежанов өңірде міндетті әлеуметтік медициналық сақтандыруды жүзеге асыру бойынша өзекті мәселелерді талқылау үшін облыс әкімі Оңдасын Оразалинмен кездесті.

Айта кету керек, қазіргі уақытта облыс тұрғындарының 87% -ы міндетті МӘМС жүйесінің қатысушылары болып табылады. Халықтың қалған 13% -ын МӘМС жүйесіне тарту бойынша жұмыс мүдделі мемлекеттік органдар мен Мемлекеттік кірістер департаментінің қатысуымен жалғасуда.

Кездесу барысында сондай-ақ COVID-19 пандемиясы кезеңінде медициналық ұйымдарды қаржыландыру, халықты дәрілік заттармен қамтамасыз ету мәселелері, халық үшін медициналық көмектің сапасы мен қол жетімділігінің өзекті мәселелері қозғалды.

Сондай-ақ, облыс әкіміне "Әлеуметтік медициналық сақтандыру қоры" КЕАҚ Ақтөбе облыстық филиалының жаңа басшысы Алтай Оразбағамбетов таныстырылды.

Оңдасын Оразалин филиалдың бұрынғы директоры Батырбек Нұрғалиевтің жұмысын жоғары бағалады.