Өткен жылдың қорытындысы бойынша амбулаториялық деңгейде дәрі-дәрмекпен қамтамасыз ету 160 млрд теңгеден астам сомаға жүзеге асырылды, мұнда МӘМС шеңберінде – 22,7 млрд теңге. Бұл ретте шамамен 3,7 млн пациент қамтамасыз етілді (Д-есепте тұрған барлық пациенттердің 77%).

2022 жылы халықты амбулаториялық дәрі-дәрмекпен қамтамасыз ету үшін Қор Бірыңғай дистрибьютормен (СК-Фармация) 140 млрд теңгеден астам сомаға фармацевтикалық қызметтердің құнын төлеу шарттарын жасасты, онда МӘМС шеңберінде – 45 млрд теңге.

Бүгінгі күні амбулаториялық деңгейде ТМККК шеңберінде дәрілік заттар мен медициналық бұйымдардың 347 атауы бойынша 49 нозология, МӘМС жүйесінде дәрілік заттар мен медициналық бұйымдардың 265 атауы бойынша 79 нозология қамтамасыз етіледі.

Дәрі - дәрмек алу үшін науқас өзінің учаскелік дәрігеріне (медбикесіне) жүгінуі тиіс. Учаскелік дәрігер / медбике науқастың жағдайын бағалайды және қажет болған жағдайда дәрілік заттарды алуға рецепт жазады. Сіз жеке басыңызды куәландыратын құжатпен және рецептімен емхананың дәріханасына хабарласуыңыз керек.