Түркістан облыстық балалар ауруханасының дәрігерлері эпилепсияға шалдыққан 14 жастағы науқасқа МӘМС есебінен ота жасады. Мұндай ота түрі өңірде алғаш рет жасалып, сәтті аяқталды. Қазіргі таңда науқастың жағдайы бірқалыпты. Күрделі операцияны жасау үшін аурухана базасында ҚР балалар нейрохирургтары қоғамының президенті, №2 Алматы қалалық балалар клиникалық ауруханасының нейрохирург дәрігері Азамат Жайылғанов тәжірибесін өңір дәрігерлерімен бөлісті. Медицина қызметкерлерінің айтуынша, соңғы уақытта жасөспірімге дәрі-дәрмек әсер етпей, денсаулық жағдайы нашарлаған. Пациенттің жағдайы ескеріліп, нәтижесінде ота жасалды.

Ота кезінде дәрігерлер науқасқа хирургиялық жолмен жүйке жүйесіне стимулятор орнатқан. Бұл оның денсаулығын түзеп, эпилеписиялық талманың ауырлығын жеңілдетіп, жиілігін төмендетуге мүмкіндік береді.

Отадан кейін науқастың талмасы азайып, денсаулығы жақсарған. Бүгінде жасөспірім неврапотолог дәрігерлерінің бақылауына алынды.
newshub.kz